《解構產科神秘面紗之四-B型鏈球菌》
有時聽d媽媽講起，原來佢地中左B鏈，令到佢地好擔心，到底係咩黎架呢？
其實B型鏈球菌係媽咪身體上係正常既細菌，容易係會陰同肛門部位搵到，對媽咪係唔會有影響既，最多只係多少少分泌物同埋懷孕時有尿道炎，但係好衰唔衰，呢隻菌係會係穿水之後攻擊bb架，有機會（1-2%）引發早產、肺炎、細菌入血、再嚴重d腦炎。。。
眼見B鏈可以產生咁強既並發症，香港已經落實左全民普查喇！所有媽媽係35-37週期間要係陰道同埋肛門拎d分泌物去驗，如果真係中左其實都唔駛驚既，只要係待產期間，即係開始進入產程或者穿水之後每幾個鐘打抗生素就可以保護bb ga la
如果呢類既bb出世冇發燒，喊得好，其實可以跟住媽咪一齊去產後房既，但係如果一出世果下已經發燒、抖氣抖得差、媽咪生得太快打唔夠針等等，就有機會要去兒科觀察架喇！而好多媽咪都因為要短暫同bb分開而好肉痛
另外如果你係一早選擇開刀，因為預計係唔駛穿水好耐同bb唔會經過產道，理論上係唔駛做呢個普查既，但世事既野話唔埋架，你點會估到幾時突然間穿水呢😐😐同埋如果你懷孕期間尿道炎驗到有呢隻菌、上胎bb試過嚴重感染你都可以唔駛做普查而直接當你中左架喇😈
試過有個可憐既bb,媽咪35週驗B鏈係唔中架，最後佢40週出世，係醫院其間一切正常但返左屋企兩日之後發燒抽筋，入院抽脊髓液發現呢隻病毒呀陰公！估計媽咪係35週之後先中左呢隻菌😞😞😞真係陰公豬呀
#B型鏈球菌
#我梗係望你唔中喇
#試過有B鏈媽媽以為我地打抗生素係止痛針搞到佢溫溫登登😅
#有唔代表有事
#冇都唔代表冇事
Search